Wieħed jiġbor borża taż-żibel
Xiħ li saħħtu saret qisha riħ bit-tiben
Ieħor jisplodi u miegħu jeqred anke tifel
L-oħra ssawtet sakemm żewġha lilha qatel
Inħares 'l hawn, inħares 'l hemm
Protest kontra protest...
Sew kontra l-bini u sew favur l-ambjent.
Ta' parsi kolp ta' stat...
...anke dak falliment
Inħares 'l hawn, inħares 'l hemm
Aħna ż-żgħar nimlew bwiet il-kbar
Waqt li l-kbar jistgħanew miż-żgħar.
Inħares 'l hawn, inħares 'l hemm
Politikanti jilagħbu ċess
Biex bl-aħjar mod joħorġu mill-mess.
Mess ta' flus li mhux tagħhom
Mess ta' gideb li bellgħu lil ta' magħhom.
Inħares madwari u nara kuljum
Nies jitgħajru għax ġejja l-festa
Nies ta' kull lewn u għamla jridu pajjiżhom lura
Nies mhedda minn ta' min skura hi l-ġilda,
Nies jibżgħu minn min bla passaport jew ċertifikat,
Nies Insara, nies Lhud, nies Misilma...
Nies li f'xejn ma jemmnu,
Nies li jgħidulek "Aħjar annimal!"
Nies li b'kollox taljina... u nies li tinsa...
Nies ta' fehma u nies ta' oħra...
Nies li fehmiethom mhix tagħhom
U nies li fehmietu sabu min ibellgħalhom.
Inħares 'l hawn u nħares 'l hemm
U naħseb kemm tkun differenti d-dinja
Mingħajr dil-mibegħda u b'ħafna maħfra...
Dinja aħjar għal uliedi u għalija.
