Irrid ngħix fejn l-arja mhix lussu
Fejn nara l-ħdura mhux fin-nies
Fejn baqar u mogħoż fil-kampanja jirgħu
Flok tas-soċjetà jqaffsu s-sisien.
Irrid ngħix fejn ħadd ma jdejqek
Għax Iswed, Abjad, Ikħal, Aħmar
Isfar, Roża jew Ċelest
Fejn mhux il-flus imma l-valuri
Jagħmluna fost l-aqwa u the best.
Irrid lil uliedi jħarsu 'l fuq
U jaraw is-smewwiet
Irridhom jilagħbu barra...
... Bla karozzi jtajruhom
... Bla ħġieġ xi jkissru
Jiġru, jaqbżu, jgħajjtu kemm jifilħu
Bil-ferħ tat-tfulija
Mhux bil-qtugħ ta' nifs li qed iġġibu...
Iva, intom is-slaten t'issa u li jmiss...
Irrid li tieqfu għax ġa fottejtuha...
...intom u ta' qabilkom;
Tneffħu bwietkom, tistuprawha,
Tneffħu bwietkom, tqaħħbuha,
Tneffħu bwietkom, tnixxfuha m'nn ġewwa,
Tneffħu bwietkom, tħalluha għal mejta,
Tneffħu bwietkom, toħdulha ruħha.
Irrid lura nazzjon, pajjiż
Mhux biċċa art għal xi spekulatur bil-qmis.
Din l-art ħelwa, ġawhra tal-kavallieri
Saret garaxx tal-krejnijiet
Krejnijiet li jtellgħu mostri
Mostri tal-konkos
Konkos bla gost,
Fil-gholi li jifgak...
... Jifgak anke bil-ħoss.
Irrid toroq kollhom siġar
Bl-għasafar jgħannu fil-kantunieri
Funtani friski tal-ilma ġieri
Imma le...
...dik il-gżira kien jisimha Malta
Li llum saret deżert
Bl-avultuni jħufu,
mill-parlament jaraw x'ħa jnaqqru.
...u intom hemm...
...tneffħu bwietkom bħal keffiena
Waqt li lil Malti ttrattajtuh qisu dubbiena
