 |
| Nagħżlu lil Barabba flok lil Kristu U niskantaw kif għandna dinja qegħda ottu |
U niskantaw kull meta bl-ilma t-toroq faru
M'għadx fadal rokna bla krejn jew bini
U niskantaw kif aktarx anke trab għandna fil-vini
Nieklu l-għaġin, pastizzi u xi ħobża bajd u laħam
U niskantaw kif għandna pajjiż l-ewwel fejn jidħol ix-xaħam
Kulħadd bil-mobajl, b'xi mod jaljina
U niskantaw kif ħadd m'għadu jgħid kelma, ħanina!
Nistaqsu għall-pjaċiri, favuri u forsi nidħlu f'xi komplott
U niskantaw kif ma ssibx mexxej li mhux b'xi mod korrott
Għandna toroq magħmula għaż-żwiemel
Gass mal-pjanċa bil-mobajl f'idejna
U niskantaw b'xi inċident li jġib kull m'hemm demel
Nagħmlu minn kollox biex ma nħallux lil min jitlob ġewwa
U niskantaw meta dawn joħorġu jitolbu barra.
L-Amerka, ir-Russja, Franza u l-Ingilterra l-armi jbiegħu
U niskantaw kif jaraw x'jagħmlu biex il-gwerer jbellgħu
Mill-ġid tal-kolonjaliżmu l-Ingilterra stagħniet
U niskantaw kif il-pajjiż miżgħud b'nies mill-Erbat Irjieħ
Nibqgħu x-xogħol sa tard,
Ninsew lin-nisa, rġiel jew anke lit-tfal
U niskantaw kemm dawn kibru malajr!
Nagħżlu lil Barabba flok lil Kristu
U niskantaw kif għandna dinja qegħda ottu
Ma hemmx konsegwenza mingħajr azzjoni
Allura għala tiskanta la xejn ma jiġri b'kumbinazzjoni?!
